انا السجين .. وتهمتي ذكرياتك

منت بعلى خبري ولا خبر الايام
تغيرت معظم صفاك وسماتك

غدر الزمن غير بك اشياء من اعوام
ولا الحكي حكيك وهذي حلاتك

شفتك ولادري شوفتك طيف ووهام
ولا من اشواقي تخيلت ذاتك

مرات اقول الزول زولك والاهدام
ومرات اقول ان العبايه عباتك

كيفك عسى حظك بعد غيبتي قام
وعسى الزمن حقق جميع امنياتك

تضحك .. تعاني .. تسهر بليلك .. تنام .؟
ولا تغير كل شيء بحياتك

ولا انت مثلي قاضي الوقت منظام
ماغير امسح دمعتي من لاهاتك

انام من بعدك على موت الاحلام
وان قمت طاحت دمعتي من سواتك

واليا مشيت اشوف الاوجاع قدام
والد صوب ادياركم من غلاتك

انا اشهد ان بعدك كما ساحة اعدام
وانا السجين وتهمتي ذكرياتك

وانا اشهد انك رغم مامرت اعوام
الحكي حكيك ... والحلايا حلاتك