ترى مافات مات ولا تدوّر غلطة الغلطان
وانا اللي من سبب هجرك ثمان شهور ملتاعي
ترا الفرقا اذا صارت عتب وإلا زعل خلان
مداها ليل وإلا يوم وإلا مالها داعي
يجي بين الحبايب مايرّجح كفة الميزان
ولكن الغلا من فوقهم يضفي له شراعي
تغيب شهور وادري فيك ماتصمل على الهجران
تغلا والتغلي لك علي ألزم من ذراعي
الا ياشين وقتٍ حاجب شوفك عن الاعيان
انا وشلون ابسلا وانت لي صيفي ومرباعي
تعاند واتصبر وانت ماتدري عن اللي كان
جروحٍ بالحشا في غيبتك توجعني اوجاعي
دخيلك لاتمادا باالتجافي ياغصين البان
شف الضيقه عقب فرقاك منها وين مطلاعي
عطيتك مابقلبي وانت تدري منهو الغلطان
وانا اللي من سبب هجرك ثمان شهور ملتاعي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر