مهرتن ماهي مع كل القبايل - فواز فارس الدواي

ياكحيل العين ياراعي الجدايل
نور خدك كالقمر ضافي بنوره

ياغرام القلب مابين الاصايل
ياهوى نفسن هوت حب المهوره

مهرتن ماهي (مع) كل القبايل
ماجنوها كود صلفين المشوره

الشيوخ اللي يفكون الدخايل
الشيوخ اللي على شده صبوره

ارحم الدواي يانسل الحمايل
اعتقه بيديك لاتحفر قبوره

وعذابي كان انا شفت الهوايل
من غرامن غارق بقبة بحوره

نظرة عيونك تولع بي فتايل
ينحمس قلبي وتصلاني حروره

عاشق ياوافي بكل الخصايل
ومن هواكم حالتي شبه مخطوره

ساهر بالليل وعيوني تخايل
للقمر واثري القمر لك فيه صوره

© 2023 - موقع الشعر