بنت القبايل - محمد معرفي

الاصيل اللي يدور له اصيلة
من حمايل يعشق عيال الحمايل

من عرفتك صرتي القلب ودليلة
ومتمسك فيك وبكل الوسايل

قلت لك نعشق وجاوبتي يبيله
ثم تبادلنا صورنا والرسايل

دامها الايام بالدنيا قليلة
لا تخليني وسوي بي جمايل

في غرامك ماني براعي طويله
فوق ماشلتة ابد ماني بشايل

ثابتن حبك ولا شي يزيلة
مثل عشق الشمري لتراب حايل

الشعر غاية وحبك لة وسيلة
غير حبك مايبي شعري بدايل

واشعر اني قاتلن وانتي قتيلة
والسبب لو تسالي ماني بقايل

واشهد ان هموم حبي لك ثقيلة
مابيدي حل والخفاق مايل

صوبك وحبك هد حيلة
وانكسر من شاف دمع العين سايل

سايلن دمعك وقطعني مسيلة
دمعك اللي مالة اشباه مثايل

كنت احسب ان العلاقة مستحيلة
ويوم جيتي صارت علوم وهوايل

لية؟ لاني ما انتمي لايه قبيلة
وانتي من البادية ومن القبايل

من غديت الخل وانتي لي خليلة
واجتمع حب القبايل بالعوايل

الخالدية
© 2023 - موقع الشعر