مستعد ابقى انا لحالي رشيـدي - فواز فارس الدواي

هيضتني هالقريحه الشاعريه
واسفتزت شاعر بلعب القصيدي

اخذ احلا الشعر واجنب رديه
لارقص في راسي الجن المريدي

اطرق المسحوب ولا السامريه
اتخير واتنقى في قصيدي

جيت اعبر يامشاعر في قضيه
لابسه جسمي وتمشي بالوريدي

حيرتني بالتفاهه والذيه
مير اخاف النار في ثوبي تزيدي

لو اطمنها تجيني باللحيه
ولو ابرفعها على الشارب وكيدي

المشاكل والمصايب والبليه
ترشد العاقل ومنها يستفيدي

لاتذكرت الحكم بالجاهليه
قلت وعزاه يالقلب البليدي

اصلح النيه ترى النيه مطيه
يرزقك رب الملا رب العبيدي

خيل العوجا بعزوه عجرميه
عزوة الدواي باليوم العنيدي

لا تعزوى (تويم ) شال البندقيه
ينطح البارود ماعنه يحيدي

واعرفو براك صوته في دويه
فيه سبع طعون من شلفا شديدي

وخالد الدواي فوق المعنقيه
لابس المحزم وله بيرق يسيدي

ياسيوف الحرب ويالخنجريه
وياصهيل الخيل والدرع الحديدي

استعدي واضربي احلا تحيه
لهل العوجا هل الراي السديدي

دام هذا فعلكم يحرم عليه
التفت حق الردي لوهو عضيدي

لني مردد ومختوم الهويه
خالي هو عمي وانا لجدي طريدي

لازم احفظ طيبكم لون شويه
لو دخلت 2000 والجيل الجديدي

وبتحلا في فعل زبن الونيه
ابن معصب او برشيد القفيدي

لن راسي رابي بطيب الحميه
مستعد ابقى انا لحالي رشيدي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر