يوم التواريخ - فواز فارس الدواي

حنا سيوف المجد يوم التواريخ
لابة كرم لابة شجاعه وجيره

صغيرنا وقت الفعل كنه الشيخ
وكبيرنا مثله فعوله كبيره

اهل الخيول اللي عليها مجاويخ
واهل السيوف اللامعات الشطيره

هاماتنا مثل الجبال الشواميخ
وان جا التواضع كالنفوس الفقيره

لا جا الكرم صرنا سكارا مطانيخ
اخلاقنا بين القبايل شهيره

خرفاننا للضيف دايم مصاليخ
جمب الحواشي للوجيه السفيره

أنوخ التاريخ بالطيب تنويخ
ترفع لنا البيضا ( بشبه الجزيره )

قصيرنا مايقربا الذيب والذيخ
طلابه يعود يدينه قصيره

اليا اشتعلنا مثل نار الصواريخ
واليا بردنا ثلج نازل بديره

بني رشيد مشلخا القلب تشليخ
حبي لها اكثر من اية عشيره

© 2024 - موقع الشعر