الطلاسم

لـ وليد رأفت محمد، ، بواسطة سماهر، في غير مُحدد

الطلاسم - وليد رأفت محمد

كل شىء واضح صريح والصمت ليه عنوان مريح ياهل ترى صابنا الخرس ولا احنا فى احتياج تصريح؟! ج
 
من الف عام
 
والطلاسم هيه هيه
 
الارض والناس والسلام
 
مسكون جنون
 
وانا لسه فى بداية العلام
 
زاحف على بطن الكلام
 
اصل الكلام الحب والخير والجمال
 
ربنا واحد
 
احد احد
 
هوه اللى خلق العباد
 
كن فيكون
 
شاء مايشاء
 
والكينونة صحيح بمعاد
 
والملايكة كتار كتار
 
والابجدية فى الكتاب
 
موسى نبى
 
عيسى نبى
 
محمد نبى ولكل من له نبى يصلى عليه
 
● ○ ●
 
ياليل غبى
 
ما احنا اللى فينا اجنبى
 
مليون تحية للصبى
 
مليون تحية لخلطبيطة كتير غبية
 
من المعانى مهلبية
 
على قد وسع الارض وبراح براح الامانى
 
واحلامنا الكتير
 
الكون صغير
 
والاسير بايجدين خفية
 
فى الأثير متدارى ليا
 
فى العيون المنطفيه
 
فى الرموز الاسطورية
 
فى البلاد الاخرانية
 
والعقول المنطقية
 
تقول حرية
 
● ○ ●
 
متبوع غريب
 
تابع غريب
 
شادد جميع الاغبيا
 
لقل الشيطان تسقط جميع الانبيا
 
مليون تحية للمدسوسين والأولبا
 
فاديانى يمكن او بهائى او حتى آيات شيطانية
 
اشتراكى
 
ورأس مالي
 
وعلمانية
 
وعلم ليا عرفت منه كل بدعه وراها حاجة
 
وقلت حاجة بالمعاينة
 
كل دم وراه صهاينة
 
والصهاينه يد باطشة
 
فى المؤامرة الشيطانية
 
م البداية الاوليه
 
للسنين المنتهية .

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر