متدايقْ

لـ وليد رأفت محمد، ، بواسطة سماهر، في غير مُحدد

متدايقْ - وليد رأفت محمد

متدايقْ .. متنرفز .. يا اخوانا .. و مش طايقْ أحوالنا بتتعكَّز ..
ما أهى شابت .. يا خلايقْ الموجه ..
اللى بتجرى .. ورا موجه .. تتعايقْ
 
بتأثَّر .. و تكسَّر .. و تفرَّق .. ف شقايقْ الأزمه .. بدون لازمهْ ..
مش لازمه لحقايقْ .
 
● ○ ●
 
أنا صاحى .. وما بنامشى
 
م الألم اللى ناباتِّشى
 
وصباحى..مبيروقشى..
 
وجراحى .. مابتطيبشى
 
وباحاول .. معرفش .
 
متعصب .. متلجلج ..
 
ف الفورمه .. ومش لايقْ .
 
● ○ ●
 
العتمة .. آه يا ويِلِى ..
 
تناديلِى .. ماتسكتشى
 
القمر .. اللى ف ليلى ..
 
ف سمايا .. ماطوِّلِش
 
والخطوه اللى بتمشى ..
 
ف طريقها .. مايقصرشى
 
و أتطوَّح .. و أتعتَّر .. متخدَّر .. مش فايقْ
 
● ○ ●
 
ما أنا دايق ..ف زمانى ..أحزانى
 
ومش رايق يا خلايق
 
من تانى ..
 
متنرفز .. متدايقْ ..
 
يا اخوانا و مش طايقْ
 
أحوالنا بتتعكَّز .. ما أهى شابت .. يا خلايقْ .

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر