حالات

لـ وليد رأفت محمد، ، بواسطة سماهر، في غير مُحدد

حالات - وليد رأفت محمد

بكل اللغات
 
كرهتك ساعات
 
ورافضك ياعمرى ف جميع الحالات نهارى وليلى ..
قمرى وشمسى نجومى ودليلى .. يومى وأمسى و بارفض ف نفسى ..
خمولى ويأسى وما يحتوينى
 
جماد أو نبات .
 
يشوفنى المغنى يقولّى : يا فارس يشوفنى المدرس يقولّى : يا دارس
 
حاببها وحبك دا باين عليك ولامح صورتها اللى دايبه ف عنيك ف همسة شفايفك .. ولمسة إيديك ورعشة كلامك ف عز لسكات
 
يقولى : هويتها
 
أقوله: :أقوله سابتنى
 
يقولى : عاشقها
 
أقوله: : أقوله رامتنى
 
يأكد و بانكر / يأكد و بانكر
 
وأخر ما يزهق .. بيبعد .. ويشتم .. ويلعن جدودها
 
أقول : لأه .. عندك
 
هنا يبقى حدك
 
يا شيخ : إنت منك
 
يا شيخ : هيَّه منى
 
وقف لى ونظر لى .. ضرب كفه كفى
 
ومصمص شفايفه وقال همهمات
 
يا عينى ف ساعات
 
أشوفك كارهها
 
وأشوفك عاشقها
 
يا عينى بحالات .
© 2024 - موقع الشعر