شيخ ٍ نشا بالطيب من روس قحطان

خط القلم واكتب لنا يا سليمان "
" اكتب لنا جعلك تطب الجناني

جعلك تطوف البيت مع كل الاركان "
"وتصلي الجمعه بها دور ثاني

هذا محمد مانبيعه بالاثمان "
" عبد مطوع شاعر مطرباني

قم كيف الطبخه ترى بان لي شان "
" مشتان في شان وشان عناني

بريه من سوق صنعا ونجران "
"يعبا لها بالهيل والزعفراني

نخسر لها لو كان تغلي بالاثمان "
"لا هابها خطو الصبي الهداني

بصين يبدي فيه ذربين الايمان "
" بكفوف ظفران قروم ذهاني

يا راكب فوق سلسات الاقران "
" فج العضود وساسهن من عماني

فج العضود وفخوذهن تقل بيبان "
" وساع الزغون موخرات الثفاني

ملفاك من يروي شبا مقدم الزان "
" عيد الركاب اللي بها الحيل واني

شيخ نشا بالطيب من روس قحطان "
" عاداتهم فك النشب والعواني

مطلوبكم يا شيخ به زود حقران "
" والذل ما يرضي عريب المجاني

لو ان مطلوبكم على مثل ما كان "
" خفت مداريجه علينا وهاني

ادري كلامي عن عدو وسفهان "
" لزازة المجلس وجيه الحصاني

للهرج ميدان وللرمي نيشان "
" ومفتاح صندوق الضمير اللساني