][][مهره][][

يامرحبا ترحيب أشكال وألوان..
من هاجس بالشعر معها لياقه..

ترى الغلا لو غبت بالقلب عنوان..
مهما حصل ماخون درب الرفاقه.

ياصاحبي والحب معروف نوعان..
النوع الأول ماتغير ميثاقه..

والنوع الآخر صاحبه دوم خسران..
ماهوب لازم يلتزم بالعلاقه..

ولا الغلا راعيه كسبان كسبان..
يصير له والله حلو(ن) مذاقه..

والشعر ماهو جرت الحان بالحان..
ياشاعر(ن) مجهول وسط البطاقه..

السوق غالي والذهب غالي أثمان..
أهديتلك من طرقت الشعر باقه..

ياصاحبي أحسب حسابك من الآن..
وأهل الأناقه مالها ألا الأناقه..

والشعر أبه مخطي! وراضي! وزعلان..
وشعري بحر ماهوب شعر الرقااااقه..

مهره ولكن وقفتي وقفت احصان..
ماني من اللي بالشعر عاق ساقه..

وأنا معك خلان وأصحاب وأخوان..
والغالي لامن غاب زاد أشتياقه..

والخاتمه والقاف قفل على آن..
وكل المعاني جت في قاف آقه..