مهره المعركه - عبيد الداموك

اما اقربي حيل والا بعدي حيل
مايصير منتي هناك ولاهنيا

كم لي رجا وصل ياشح المواصيل
ماشفت فرقا وصال ولاتهيا

مابين شح البخيل وحظٍ بخيل
اصارع الياس مقطوع الطريا

تعالي اشعل لك الدلجة قناديل
مجيك احلى والذ من القفيا

ابيك مهرة شجاع ومعركة خيل
وارماسها بالهجوم وبالنحيا

اصيلةٍ ماتواطن بارد الحيل
تصهل لياصاح صياح الحميا

تبري كبودٍ من الهيجا مغاليل
تعل كبد الخصوم بكل شيا

تموج وتروج عن شلف الحلاحيل
اسرع من امعاج خفاش السهيا

ترسي وتكسي ضحاها عتمة الليل
تدمي وتحمي ولاعنها كفيا

وانتي كفيا قفيا عن مقابيل
تعالي بوسط خفاقي هنيا

© 2024 - موقع الشعر