][][ فرحة دنيتي ][][

المعذره ماغبت عنكم تغلي..
لكن (فرحة دنيتي) والدي مات..

مات ورحل والعمر دايم مولي..
ومالي عزا إلا في دموعي والأبيات..

من بعد موته مات معه التسلي..
والهم خاواني على كل الأوقات..

أنسى شوي الضيق.. وأضيق كلي..
وأحس ماباقي مع العمر ضحكات..

ياحزن قلي وش بقا منك قلي؟
ذوقتني حسره و ونه وآهات..

بليتني ياهم !! واللله تبلي..
كنك مسجل لي مع الدمع ميقات..

تاقف على دربي وتقعد تهلي..
وأيضاً ترحب بي بكل التحيات..

خاويتني كنك مع الوقت ظلي..
وأنا أتحمل قاسي الهم بسكات..

دايم تجيني ياحزن في محلي..
وإن رحت تلحقني ولو بالمحيطات..

ابحمد الله في فراغي وأصلي..
وأحاوا أطرد ضيق قلبي بالآيات..

والمعذره ماغبت عنكم تغلي..
لكن (فرحة دنيتي) والدي مات..