][][شهرين ننظم شعرنا][][

شهرين ننزف شعرنا حب وأشجان..
شهرين والخافق يزيد إحتراقه..

شهرين ننظم شعرنا قاف وأوزان..
شهرين نقطف لك من الشعر باقه..

شهرين وأكثر ماوقف دمع الاعيان..
والصدر يشكي من لهيب إشتياقه..

وقتن مضى ذقت المحبه مع إنسان..
وكان الهوى صافي وحلو مذاقه..

كان الهوى صافي ودقق معي كان..
ويصعب على جيش الهموم إختراقه..

لكن صواديف الليالي والأزمان..
عاقت هوانا وحظنا الشين عاقه..

وطير الغرام اللي يوقع بالأغصان..
ماعاد يسجع صار فيه إنغلاقه..

والحب هذا الوقت منسي ومنهان..
ماتت مفاهيم الوفى والعراقه..

وقلبي قسى من بعد ماهو بالهوى لان..
ولا أظن يمشي في دروب العشاقه..

الحب في هذا الزمن حب الأبدان..
ولاعاد في نفسي على الحب طاقه..

لكن إذا مقسومه نصير خلان..
ياليت معك الحب حالي مذاقه.