مرجيحة الغيم ..

صباح انفاس .. غيمة شاعرية .. تعتلي .. (( جدة ))
صباح امواجها .. تهدر .. وتتراقص .. مبانيها

صباح عيون .. محبوسة .. ورا الاستار .. من مدة
على الشرفة .. تغني .. مدري الشرفة .. تغنيها !!

صباح الضيقة .. اللي تخنق .. الزعلان .. وتحده
يكابر للزعل .. ويحايل النفس .. ويمنيها

تبي بكرة .. تجي غيمة .. ونوصل .. بالفرح .. حده
وتحملنا .. على كفّ السحاب .. ولا .. نعنيها

وابي من خيطها انسج لي .. غطا .. وفراش .. ومخده
وانام بحضنها .. وآحقق .. احلام .. و أمانيها

مدام ان ((هايدي)) تقدر.. تنادي الغيم .. وترده
ابحلم .. ((دامها حلم )).. واناديه .. و أجاريها

وباتفوق .. في احلامي .. وباغزل حبل .. واشده
من الغيم .. وأببني منه مرجيحة .. واعليها

وباضحك حيل .. وادري .. غيم بعد مرور .. لابده
بيتبدد .. ومرجيحة .. تطيح .. وحيل .. بابكيها