موت أحبك ما أتحمل انا غيابك

بالعشق لابسني مثل لبْسك ثْيابك
محاصرٍ كل الخلايا امْتجللها

عشقك بدمي بالشرايين متْشابك
معانقٍ روحي تمكن بداخلها

أنهي بك اليوم ولي الليل يبدا بك
أنهي بك الايام وتجيني من اولها

أموت أنا بعطرٍ يجي من جهة بابك
أنفاسك اللي جابها الريح ناقلها

موتٍ أحبك ما اتحمل انا غيابك
برجعتك عيني اصبّر و امّلها

تغيب ترحل تبتعد تترك أحبابك
دمعي ملا العين وطيوفك ادلّلها

دخيلك جروحٍ تنزف من أسبابك
دخيلك عيوني! ابشوفتْك كحّلها

خذني عسل وصبّه ولو كنت صبّابك
خذني خمر واسكب بكاسك معسّلها

خذني حلا واشرب لو كنت شرّابّك
بلّل شفاياك وشفاهي ببلّلها