قِل (أحبّك) // خاطري إبكلمة أحبك

مِدّلي كفّ الهوى وابْشِر بعزّك
لهفتي واللي خلقني لك تزيد

ينتشي صووتي إلامني ذكرتك
كنّي الشّاعر وبك بيت القصيد

قِل (أحبّك) خاطري إبكلمة أحبّك
وإن بكيتك ردّد الكلمة وعيد

خلّني أنسى عنا الماضي بقربك
.. وارتوي برد الهنا وارحل بعيد

خلّني أحلم وسولف لك واحسّك
..~أرْبعِ الجِدران ما ترحم وحيد~

والوله احساااس لا طالك يهدّك
والهجر ظالم وانا وحدي طريد

داآآآوني بك ،، لا تعنّيني بصدّك
مابقا لي إلا نزعاتِ الوريد

دواني بك شوقي اللي من عرفتِك
يُوجِع أطراافي وانا كلي شريد

.هذا مرسوولي لقلبه قبل أرّدك
قلْتِ يمْكِن صادِقْ احساسي يفيد

وانتظرته يا جداري وسط صمتك
واكتشفت اني لأركااانك عضيد

أتنزع رمح الغلا وحدي برمشِك
واشتكيلك .. باقيَ الهمّ العنيد

واحتمل جور القهر واحيا بحضنك
دام قتّال الهوى شخصن بليد

يا جداري ما بقااالي إلا ظلّك
.. انت لي حظّي وانا حظّك أكيد