يا عيونه - رنيم الفارسي

يَا عُيونَه يَا صَبَاحَات الوَلهْ يا اخِرْ مُنَايْ
يَا حَيَاتِن مَآآا بَدتْ إلا يُوم انّي لِقِيتَهْ

يا مِشاعرْ في خفوقهْ استرق منها دفاي
لحنها ينبض بجوفي كلّ ما جاني .. وجيته

يا وليفي يا حليفي يا صباحي يا مساي
يا حبيبي يا عشيقي يا الليّ ابْعمري هويته

هذا هو عيد المحبة مرّ وانسااامك معاي
يبني من حبي وحبّك قَصْر مملكته وبيته

يحكي للعالم قِصايدْ عن سعادااتي وَهناي
عن مُبَالِغْ باحتياجه ما بَعد منّك رويته

عن سكوتي عن كلامي عن حنيني ومبتغاي
عن حضن ودّه يضمّك ينسى هالعالم وصِيتَه

عن جفافن في شفاتي ينْدهك ودّه بماي
يعطشك أكثر وأكثر كلّ ما جيت وسقيته

أعشقك عِشْقن تحيّر في تواصيفه فضاي
عِشقِ نجمهْ في ظلامن ضيّها وحدك لفيته

أعشقك عشق الخرافه ياللي ما غيرك دواي
كلّ مافيني ملكته ،، وكلّ ما فيني كفيته

نظرتي صوتي يديني ضحكتي حتى شِفَاي
أمنياتي ، حلميَ اللي من طفوله احتريته

كيف ابخفي لهفتي وانتا أشواقي وضماي
وكيف أبمنع بسمتي لو حلم قربي طريته

وكيف أبذكرها صفاتك والوصف حيّر خطاي
لو بأكتبها ملاحمْ ما أظن وصفك وفيته

الرجوله ، الوسامه ، الكرم ، طيبك معاي
والله انّك كلّ شين في حياتي ارتجيته

هات عطني من حياتك وانا بعطيلك وفاي
خلّني نَقْشِن بصدرك وَشْمِ ماعمرك محيته

خلّني أحيا بقلبك وحدي ما أحدن سواي
غَدْوِتي كلمة أحبك والحلا صوتك فديته

ليتنا نبقى لبعضنا (بدعيَ الله في صلاي )
والقدر يكتب نهايتنا سوا ،، ليته وليته

رنيم الفارسي
© 2024 - موقع الشعر