(مدخل):
أبطيت عني وأشوفك ماتكلمني

ماتدري إني أشوف النور من نورك
أبكي غيابك عشان أغريك ترحمني

مدري متى تستخير وتعتق غرورك
ماني معاتبك بس أبغاك تفهمني

حسسني إنك تبيني وإتبع اشعورك
وان كان تبغى فراقي لاتعلمني

خلك مقفي وانا بتأمل حضورك
(النص):

أحبك يابعد نزف الشعور اللي ضماه الجور
أنا مالي سوى قلبك أموتك شوق وأحيابك

تباكاني طموحاتي وحلمي خاطره مكسور
قهر تستنزف جروح الغلا والود يزهابك

تعبت أبكي على غيابك وأجاوب صرختي مقهور
تعبت أعزف على أوتار الشقا والجرح غنابك

تعبت أحبس خيالاتي ولاكن الأمل مقبور
أنا كل مابغيت أنسى وداعك هاجسي جابك

يغص الضحك بأانفاس الحزن وأستوعبه مجبور
عجزت أتنفس افراحي عزيت الضحك بأسبابك

أخيلك والغلا باقصى محاديب أضلعي مأسور
وأحن لشوفتك وأشكي على السلسال واثيابك

حرام إنك تخليني وأنا كلي غلا وشعور
أسولف باالطريق اللي جرح قلبي وقفابك

تعالي يابعد وجه الصباح وياسبات النور
متى مابان نورك غاب نور الشمس بااهدابك

تبطايتك وأحس إن الفضا من غيبتك مهجور
قسم بالله من رحتي عجزت اتحمل اغيابك

(مخرج):
صبري نكرني من كثر ماأتصل فيك

مدري متى تعطف على اللي مقدرك
كل مانسيتك قمت أهذري بطاريك

ساعدنى أنسى وأوعدك ماأتذكرك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر