سلام

سلام يادار ولا البوم صقرها
وعن ما يجي في خاطري سلام

سلام .. والا الحر ما يطعم الخنا
ليا مل وجه الارض طار وحام

كما العوشزه ما ياقف الحر فوقها
ملفى الظبى ستر الدبا والهام

وانا حالف مبدي على الناس غايتي
ليا ما بقي عند العرب كلام

قبل لا تعدى حشمة الشيب فاللحا
وتلحق موازين العقل ملام

ابرحل عن اهل الغي والهون وانتحي
والبس قديمات الليال اوسام

هل الشرف والطيب ما تجرح الحيا
الا ليا جرح الكلام اكرام

الا ليا وصل خطاها كرامة الفتى
تاطا على راس الخطا الاقدام

وحنا نميز العارفه وانحشمها
وتلقى معانا ود واحترام

والا الردي ما نحترم وزن جانبه
له مانجي شاري ولا سوام

حيث الردي يركب على موجة الجهل
ويلف خملات الردى في خام

وايضا الجهل والكذب ما يزرع الشرف
الكذب ما يرفع شرف حرام

حتى ولو ابدا على الناس نطقها
لغوى الكذوب يشيلها النمام

اللي يوزعها لشي بخاطره
هايم ويتبع داعي الهيام

يحسب الرجال يغرها مسحة اللحا
والنور يجلا داجي الظلام

تبى تقشع غيمة الكذب للعرب
ويطلع عليها مفسر الاحلام

والى صار ريف الدار هاك العقرب
لا والله الا خاطري مل وشام