الاصاله والسلوم - محمد العزران

انا سجين الهاجس و ما يحتمل صدري هموم
وارسم مع ساعات صمتي فكرة متهالكه

فتحت قلبي للحياه ولا جنيت الا السهوم
من خلفتي امسيت ساري تحت ليله حالكه

مرات تضحكني خطايا الامس من زيف الحلوم
واقول لولا هالضمير الحي صارت سالكه

ومرات تبكيني تقاليد الاصاله والسلوم
واقول عمر الادمي غير الولي من مالكه

ياظرف بالشمع الحمر تبقى على طول مختوم
لو كانت اوراقك تصير من الليالي هالكه

© 2022 - موقع الشعر