أنا من غيرك أتغرَّبْ

أبتأكَّدْ تغيرنا من الليلة على بكرة
ولاَّ وِدَّها الساعة تُمر بوقت ناسينا

لو اشري دفتر اغيابك تِيتَّمْنا على حِبرة
وزادت لهفة اللي ماعرف للحب يطرينا

أوامرنا تبي اشفاهك ترد الروح من جمرة
وتاخذ للوصل موعد يتوه بشطِّ حاوينا

أنا من غيرك أتغرَّب ولاادري شافنا مرة
ولاادري يفتكرنا يوم ويروي كل أمانينا

تِغيَّرنا وصرنا بعاد لاضاقت لنا حسرة
لا شلنا ألم للشوق لاذقنا تعب فينا

أماني الروح نتبعها نتجاهل ضمى أمرة
واذا طال الصبر ناخذ من ايدينا هقاوينا

فرح يضويني من قربك يِمَنيِّني أجي عمرة
ألاقي الياس يمنعني تِغيِّرنا خطاوينا

أنا من حطة ايدينك تلاقيني على فكرة
أدواي الشوق واتعلم من اصدودك رياحينا

واذا خليتني دايم أبحكي الليل والقمرة
واعيش احلامنا ذكرى لها في الودماضينا

ترا من عادتي أبقى لصوت ارواحنا كِثرة
واشمِّ الورد لاهاضت خبايا الروح تجنينا