يامن غرامك ،، غير كل المحبين
ياسيد .. الأحساس .. والملح .. والذوق
اشتاق لك شوق" .. يهز الشرايين
ياسارق" (غفوة )منامي من الموق
حبك .. زرعته وسط قلبي من سنين
يسقيه شرياني وتنبض به .. عروق
عذّب خفوقي واسهر افراقك .. العين
اشتاق لك / واحن / واخاف / واتوق
كلي على بعضي لحبك .. براهين
يامن محلّك بين الاضلاع .. مرموق
مهما اشوف من البنات .. المزايين
ماغيرك اللي في سما ..خافقي فوق
خذيت قلبي دين،، ياجاحد الدين
متى ترده لي .. وتحن وتروق
حالي بعد فرقاك .. ياقرة العين
حال الجريح اللي به الدم .. مدفوق
وبين الحزن والحب والشعر والبين
عجزت اعبر عن مدى .. قمة الشوق
اشتاق لأهل دبي .. واشتاق للعين
شوق" يخلي صاحي العقل .. مطفوق
لو ينشكى حبك على .. king برلين
كان اجتمعنا .. لو غدى الطاق مطبوق
غبت وغيابك .. تشتكيه الشرايين
وماعاد فيّ احساس وضلوع وعروق
واللي بقوله بيت قلته من .. سنين:
وكملّت لعيونك به اليوم .. طاروق
إقسم قسم .. باللي خلقني من الطين
ماشاقني غيرك من الناس ..مخلوق

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين