لا ..والذي وزع بجسمك خلاياك - عبدالرحمن بن عمير

تركتني عايش على حلم ذكراك
ونور الامل في داخلي دوم مشتاق

طّول غيابك وانتظر شمس لقياك
تشرق علّي وتجّمع قلوب عشاق

ودي يميني تلتحف كف يمناك
ويبقى حنانك دنيتي كلها اشراق

راحت سنين العمر وانا اتحراك
اعد دورات الليالي ..بالاوراق

تعال.. طال البعد .. واقفت مطاياك
شفني قتيل العشق في نعش .. الاشواق

مالي ولالي غير شوفك.. ورجواك
مهما المشاعر بيننا تندب ,,افراق

القلب قصرك والحنايا حناياك
حصن ٍ حصين ٍ ماقدر// فيه بواق

لا .. والذي وزع بجسمك خلاياك
مافيه غيرك ساكن ٍ وسط الاعماق

ياعلها تبقى على الارض ماطاك
وياعل قلب ٍ مايحبك .. للأحراق

العمر كله ياهوى البال.. يفداك
ولاشفت زولك جو الاحباب لي ,,راق

© 2024 - موقع الشعر