هاذي زهات العمر

ولم جوازك والتذكار نبي نروح
مقعادنا بديارنا ما يسلي

ودنا نتسلا نقلب أحزاننا فروح
ونهيم دام العمر كله مولي

وش لي وشلك في زمان(ن) غدا جروح
وش فيه غير الضيق والهم قلي

نضحك ولكن ضحكنا زيف مفضوح
مافيه هذا الوقت شي(ن) مسلي

ودنا ديارنا شوفها يبهج الروح
تزيح عن صدر الفتى كل غلي

شمت هوا ذعذاعها يرسل البوح
للي تتل معولق القلب تلي

هاذي زهات العمر ضحكات ومزوح
أقولها ياليتهالي أتحصل لي

ولا العمر فاني ولافيه مربوح
والموت لابده علينا يهلي

خذها نصيحه وأغنم العمر لا يروح
دامك على درب الهدا مستدلي