بأغفى على صدرك

فيضي علي وأطردي جيش الأوهام
ما أقول لا لا لو فيضك خذاني

بس أغمريني في حنانك أبا أنام
بأغفى على صدرك ولو هي ثواني

يا فرحة أيامي ويا نبع الإلهام
ياللي صراحة كل شي بكياني

ما أبغا أتخيل كيف وضعي قبل عام
ما أقول ميت لكن إنسان ثاني

جيتي وشتتي بضحكتك الآلام
زرعتي بجوف المآسي أماني

ناديتني وأنا على ضفاف الأحلام
يوم الفرح عني راح وجفاني

جيتي لقلب(ن) كاسره جور الأيام
عايش وحيد ومغترب مخلواني

خذني معك بأقضي العمر شوق وهيام
بروي عطش قلب(ن) ضما من زماني

فيضي علي وأطردي جيش الأوهام
ما أقول لا لا لو فيضك خذاني