حزن العيون

أبتسم للوقت تهنا بالحياه
هوٌنه همك تلقا إنه يهون

مابعد ليلك سوا النور بقفاه
إنسى مع صبحك همومك والظنون

لا تزيد القلب لا أنهدت قواه
أبتسم ياعم والكاين يكون

ماخبرنا إنسان كل شي(ن) خذاه
غير تلقا في حياته به طعون

قول لي من هو حلم حلم ولقاه
ما ورا طرد الأماني إلا الشجون

ماسقا شوف السراب اللي رآه
وش خذينا منه سوا حزن العيون

السعيد اللي رمى حزنه وراه
تجربة مرت وتمحاها السنون

هذا قوله لا لقا همه طواه
يطوي الصفحة ولا كنه أمحزون

دامنا ماندري الوقت وخفاه
قول لهموم البشر عندي زبون