هاذي محــــاري طيرنا - مشعل الحبيني

هاذي محاري طيرنا اللي غدا العام
النادر اللي ليت شوفه شفاقه

ولا ياليته مات لو هو بالاوهام
اخير من رجوا الملاقا فراقه

لا شفت بالشاشه غريبات الارقام
يطري علي الطير رقمي بساقه

وقول يمكنه وهوجس ولا لام
على الذي لدبر الجول عاقه

وكم خرب(ن) انكب لظربه طاح ماقام
من كف مسموم(ن) عطيب(ن) طراقه

اشعل غتر صافي ثناديه قدام
حر(ن) قطامي(ن) وساع(ن) شداقه

ماجيب من فارس ولا طرح بالشام
ولافرخوه وسجلوله بطاقه

طرح الكويت بلادنا دار الاحشام
دار الصباح مأدبين الحماقه

مختار ياليته عبر ذيك الايام
اظن من عقب المفارق ملاقه

اشفق على شوفه وانا منه منظام
جيته وفاجاني بقطع العلاقه

اقفى عن الملواح مستنكر وحام
وحاشت المربط ومعها طفاقه

لاشك مّرح ثم جيناه مجهام
ثلاث جيبات(ن) وفزعة رفاقه

جينا محله خالي(ن) عشبه رمام
حتى الشجر قامت تحتحت وراقه

جبله عن السيفه جنوب(ن) عن رخام
ماداج به منهو يحاظي نياقه

وقفت به كني مكبل بالاقدام
وهلت من العبره دموعي غراقه

قبل الوسوم بحل تقطيف وصرام
بأول شهر عشرة فقدنا سياقه

وا طير ياللي لأبرق الريش لطام
من ظيعته قلبي تزايد حراقه

ماني مصدق ضيعته كنه احلام
انا اشهد ان البعد مر(ن) مذاقه

صحيح من قال الرضى سيد الاحكام
رضيت غصب وطيب سبة فراقه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر