بمناسبة عودة الأمير سلطان بالسلامة ..

قرّة عيونِك ياالوَطَن من بعَد عامْ
إب ْجمعة(ن) كانت منيره وضيّه

قِد زخرَف إِسْماها حروفن وأقلام
واشْعوبنْ إبْصحّة سموّك هنيه

ناسكْ وبومتعبْ تملّوَا بالاهْيام
وارْضِك يبو خالدْ لِخيركْ ظميّه

أرْضِن صحى فيها حنين ولا نام
وإبْرَجْعِتِك سالم هذاهي حفيّه

ثلاثميّه والثّمَانِينِ .. أيّام
يومن ورا يومن تناشِدْ رجيّه

واليومِ كلّن ناطقِ إبْشهْد الاخْتامْ
حمْدن وتسبيحن لربّ البريّه

سلْطاننا أقْبَلْ .. ولا هُو بينْلام
أمْسِن خذك منّا وعافِ البقيّة

ما يبتلي ربي سوى خير الاقْوام
وانتا أبو الخيره ونفْسِك صفيّه

من أوّل وصولك تضمّد بالآلآم
للي غدَوا بِسْيول جدّه ضحيّه

انْت العطا يومِ العَطا يوصِل إهمامْ
يومه يِشابه إغْيومن سقيّه

وانْت الوجود اللي ضمَن سعْدِ الايتام
وزالِ دمْعاتِن بِيَدْهِ الحنيّه

وانت الأملْ يَبْرِق على كلّ الاحْلامْ
من طلّتك .. تِضحكْ قلوبن شقيّه

وانْتَ العضِيد اللي حمى شرْعِ الاسْلامْ
تِبقى وآل سعودِ يَدْهِ القويّه

سلْطان خيرن والفِعِل ْخيرِ مِعلامْ
مِثلكْ قليلن في صنُوفِ البريّه

واللهِ لو دامِ الشّعر كِثْرِ ما دام
ما يوصلك .. ياللي فِعالِك عَلِيّه