بمناسبة عودة الامير سلطان لارض الوطن - بادي العوجاء

يالله يالي بك نعين ونستعين
انت السميع انت العلي المعتلي

اغفر لعبد(ن) مالخطايا مستدين
زود إ(ن) رصيده من ذنوبه ممتلي

القاع في جيتك تنبت بالسمين
وجهك سعدها ولضماها تقتلي

عروقها تشرب بحر حبك شجين
وفروعها تزها ولاكم تحتلي

ياسيدي موجزك عندي كلمتين
وكل كلمه تازن بحور(ن)ملي

الماء واليابس اضفها للثنين
وزد عليها كل كونك يالولي

وخص من نحيا بشمه اكسجين
هذا انت يالنسان سلطان الشلي

واليوم ياسلطان نجران(ن)تزين
في طلتك ياراعي الوجه الجلي

والله في غيبتك ياشعبك حزين
كنها الجمال الباركه وتهملي

تنطر ولي العهد حين(ن)بعد حين
وجا لحد المملكه يوم ابتلي

بالشرذمه اعدا وطنا الحاقدين
ماكنها الا شافته ثم فلفلي

وصلت ياساعد ملكنا يالامين
عبد الله الي في الملوك الأولي

عبد الله اسمه والفعايل غانمين
مُلكه هنا واقصى البقاع تهللي

ان قلت قايد سيد(ن)للقايدين
وان قلت رادع يسأل المتسللي

وان قلت طيب سيد(ن) للطيبين
ردو معي بالصوت والصوت العلي

عاش المليك وعل عمره بالسنين
ياعل شعبه فيه ما يتبدلي

وبعدها باسير بالخطوه بزين
من شان نايف والتعامل لامثلي

يداوي المرضان بزود(ن)مالحنيين
يعالج الموقف ويحمي المبتلي

ممحاة لازمها وقابض باليمين
يمحى الشذوذ الي علينا مرسلي

نجران أرض أخدودها ومواطنين
تستأذنك تصدير شيئ مجللي

ويزيد يكفي للدول لمجاورين
والبصمه إلي فوق صورة مشعلي

هذا ولانا للوطن ومعزميين
تصدير ثروتنا للعالم لأولي

© 2024 - موقع الشعر