الشبح المخيف

لـ ، ، بواسطة علاء بديوي، في غير مصنف، آخر تحديث :

دورت ماقصيت جرة غريبه
غيرالذيابه والحصاني واثر طير

في ضلع منه الصيد كنا نجيبه
لكن هالمره لنا حاجةًغير

ماشفت اثرها قبل حاجه عجيبه
والشكل لاهو شكل ضبعه ولاعير

حولت للوادي مرور بشعيبه
لقيت قبلي ناس واجد مداوير

قمنا ننشد بعض ياهل النجيبه
وش عندكم قالو ندور خنازير

قلت العفو طليت راس الرقيبه
ماشفت اثر للنجس والوضع في خير

قالو تحسب الخير مثل المصيبه
حنا بخطر وابعد عن الدلو والبير

شف ربعنا من نجد لقصى القليبه
كلٍ مركب له جناحين ويطير

حتى السلام اصبح بشكه وريبه
والموت لاهبت علينا المعاصير

قلت الله يسلم ربوع الحبيبه
من شر مدري ويش من بعده يصير


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر