شوق العين

ياسعود بالله شوق العين شخباره
شخبار من له دوى القلب وبكت عيني

من عقب طول المدى قل وشهي اعذاره
ماهوب يا سعود من حقه يجافيني

ما يدري ان له غلا ماقل مقداره
دايم وهو راجح بكل الموازيني

يا ما عليها سهر جفني بتذكاره
ويا ما بكيت وفجعت الناس الادنيني

ويا ما ذبحني الجفا و ذوقني امراره
واقول راع الوفا ماهوب ناسيني

ما ينسي الود قلب حطه اشعاره
وشلون ينسى غرام بينه وبيني

كلن مع الناس له فكره و منظاره
وانا نظر عيني للغالي توديني

قلبي على ما تقول الناس مختاره
اختار راع الحلا والمنظر الزيني

محتاج للي يطبل فالغضي بطاره
مبغاه يمدحه لي و الا يمنيني

انا كفاني بشخص اصويحبي شاره
غير الجمال الالاهي فرحته فيني

يفرح ليا شافني شرفت بزياره
لو هي على البعد مايبخل يحييني

فزة كريم يهلي بشوف زواره
لولا الحيا كان بالعالي يناديني

والخشم وقفت شموخه ترسم افكاره
حيثه عزيز ويعاف المنزل الشيني

والشعر ذيل اشقح ماينكر الغاره
وسط المثارا يميل ايسار ويميني

والرمش قتال قلب تاهت اشواره
لا اومابه اشوي خطر ايثور مافيني

وحوض المنيه طوتها عين سحاره
لا سلهمت تاخذ اعقول السلاطيني

يسعود هذا الجفا كيف اهدم اجداره
كان الحيا واقف من بينه وبيني

ماودي ان العرب توقف على اسراره
وتطاول الزين لمزات العذوليني

ناس تحب الفتن و تدق مزماره
ياعلهم يالسنافي للعمى الشيني

وراع الموده على ما قيل وش كاره
غير يتغنى بمواويل المحبيني