دام الليالي كلها شوق في شوق
 لا لا تظن البعد عنك خساره
 وقلبٍ من الاشواق والبعد محروق
 أبشرك فرقاك رد أعتباره
 تلّيتني تلّ المناكيف للنوق
 اليا انكفوا من عقب حربٍ وغاره
 كنها الأهلّه من عنا الصلب والسوق
 حفيات من دربٍ يثور غباره
 واليوم أنا يا مهتوي البعد مخلوق
 صبرت لين الصبر عاكس مساره
 ريّحت قلبٍ صار به سبتك عوق
 عنده على فرقاك عزم وجساره
 ومن عقب ما ذوّقني بالهوى ذوق
 هم المفارق والقسى والمراره
 وبكره خفوقك لا سمع طاري يتوق
 ولا عاد ينفعه الحزن في دماره
 أبك بمراره وأتعب القلب والموق
 يا ما عذلتك ما فهمت العباره
 خسارةٍ في مثلك اليوم طاروق
 والحر تكفي له بصيص الأشاره
 ولا لا تعذّر عذر عاشق لمعشوق
 ولا لا تظنّ البعد عنّك خساره

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر