ياقلب ياللي من عنا الوقت مكسور
ماظن يومن يأتي يطيب كسره
دام الليالي طيبها كف مبتور
ياكيف قلبي ينتظر زود صبره
يمكن لاني كنت ماطاوع الشور
اليوم كسري صعب طبه وجبره
ماظن الي كيه ولا طب دكتور
ماهي دعاوي خيط مشرط مع ابره
هذي ليالي جابة الهم بالدور
واكتم همومي عبرتن بعد عبره
واشوف حلمي بأرض ساحات وقبور
لو اماني شي ماهي بكبره
ديرة همومي حكمها دون دستور
والدفن واضح بين شبري وشبره
يعني مدينه مظلمه مابها نور
فيها احتضاري مختنق صوت نبره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر - بواسطة شركة المبرمجين