قلبي اللي يكتم الاشواق لله دره
مانقض عهد المحبه يوم وقته خانه
شايفه من طول صبره جمرته محتره
مير ما بيح سدود المتهوي لاخوانه
زر ثوب العز والشيمه وراه تزره
مثل شيخ ما تزحزح عن ورث جدانه
لو تجي بقعا بثوب من بلاها تجره
يرتكز للكايده ويادب الفسقانه
والله اني ما هقيت ان الغضي له حره
لين شفت العين هلت دمعها من شانه
يوم حلفني وقال السد عندك صره
لا يجي سدي هبيل يحرث بنيرانه
الولع قفلت بابه فكني من شره
وانت جعل الله يوفقكم على رضوانه
قلت يا زين النبا والاوله منصره
مير لاتفرض علي شي صعب نيسانه
قلي من يكفا الفراق اللي لحقني ضره
دام يسري حبكم في قلبي وشريانه
كل ماتطري اشيل الصوت ثم اجره
لين تسري ليلتي يالاح ياليحانه
لك عهد يابيرقك فالقلب لك اشره
لين ما اعرفك في طرقي وفي قيفانه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.