شاعر ولد شاعر ومن نسل شعار

سق ياقلم واكتب على خط الاسطار
من شاعر ٍ غاص البحور وحواها

شاعر ولد شاعر ومن نسل . شعار
متوارثين الشعر جدها واباها

سجيت من راسي طويلات وقصار
إليا تذكر بعضها مانساها

ماكل من عندة صقر صار صقار
والناس تارثها من ايام طاها

تمشي على منهج اهلها الابرار
والنفس تاخذ عشقها من هواها

سلام ياأهل الوفا نسل الاحرار
اللي مواكرها عجز من رقاها

لها تواقيع ٍ على كل مضمار
ماردو احد ٍ بالمجالس نخاها

تعطي حقوق الناس واولهم الجار
من دون نقصان ٍ بكل اعشراها

سلام ياربعي طويلين الاشبار
اللي على المجلس طويل ٍ سطاها

من خلقت الدنيا فلا عاش غدار
على وضوح الشمس تجزل عطاها

تمشي بدرب ٍ ماقطعة كل عبار
تدل قاع ٍمآحد قد وطاها

يمشي وراهم من سكن داخل الدار
يمشي ولا يدري هبايب هواها

قطاعت الوديان من دونها قفار
تدري قبل كل الحدود ووراها

ياللي تجيب اخبار وتودي اخبار
اخذ العلوم اللي انا من حكاها

لازم يزود بالحكي كل ثرثار
هراجة المجلس كثير ٍ لغاها

والعلم ياصل ..ويتعدى بالأقطار
وتفتح عيون ٍ مشت في عماها

هو لية يامغير كلام ٍ فلا صار
يمحرف الدفتر عن اللي رواها

ماكل من يكتب خذا الصدق مصدار
ولا كل نفس ٍ تايبه عن خطاها

ولا فية بالدنيا مغير بالأعمار
العمر واحد والقدر احتواها

يلقى العنى اللي ماشي ٍ بين الاخطار
ماكل علة ينوجد له دواها

يا كاتب التاريخ من قبل يندار
اكتب سطورك واعرف اللي حواها

اللي بنا حول الحدود اربع اسوار
خلى العدل يجريمثل جري ماها

شيخ ٍ ولد شيخ ٍ من ظهور الامار
مؤسس الدولة وكمل بناها

من سلسلة روس الدولحاكم الدار
آل الصباح اللي من اول حماها

يرسي كما ترسي سفن كل بحار
في وسط امواج البحور اعتلاها

خلى الامن سايد على كل معبار
خلى البشر تمشي ولحد ٍ وراها

ياللي لكم باقلب قيمة ومقدار
تروي عطش نفس ٍ ذبحها ظماها

وختامها صلو على الشافع البار
محمد اللي امتة اصطفاها