يالعيون الساهره

يالعيون الساهره طول الليال ولاتنام
اشهد ان الوقت يبلاها ويحداها حدي

ليت تلقا حاجة ٍ تسعى بها وقت الزحام
واتمسك به قبل ما الوقت يقفي ويغدي

وليت تسكت هالبشر وتجوز عن جرح الكلام
والله اللي قسم الارزاق والله يهدي

تشرق الشمس وتغيب ويبتدي بعده ظلام
وانظر بلوحه على وجه السما فيها جدي

وين انا وين الذي يعشق وفي قلبه غرام
كني القاتل وادور ناس تدفع لي ودي

سلام يا قلب ٍ شقى بالوقت ما ذاق السلام
لو سكن ما بين ربعي وسط ارضي وبلدي

يا قناعة نفسي اغنى من جمع ماله حرام
ماني تعبان ٍ عليها ثم ارثها ولدي

وان جلست ابمجلس ٍ اجلس بمجلاس الحشام
قلت صبولي من الفنجال ما ظني ردي

من صغر سني ربيت وعشت مع ناس ٍ كرام
يرحم الله من توفى ومن بقى العمر المدي

والذيابه لا عوت من فوق رجم ٍ له مقام
ترتفع بك عزتك وتقول يانفس اصمدي

ليت ذيك المزن تمطر من قبل ماهي غمام
ويتكاشف ضوها وتشوف بالارض بردي

واشهد اني انتظر ذاك الفرج من كم عام
ما خذاني عنه لين الوقت والخد الندي

والبشر وشو اذا ربي خلقها من عدام
مير انا وجهت وجهي وانت ياربي اسندي