العيون الساهره - صالح العبدالله

يافهد مليت والقلب معذور
والعيون الساهره طال سهره
 
 
لاذكرت البعد يخنقني شعور
ودي اجمع كل دمعي وانثره
 
 
ليلة البارح الى وقت السحور
والصدر واحات حزن مثمره
 
 
تلعب الذكرى وسط فكري وتجور
وكل ذكرى تمر فكري تذعره
 
 
في مسلسل واقعي كم عشت دور
والغلا مع كل دور اخسره
 
 
لي رفيق راح ماله أي ظهور
بس لين اليوم مازلت اذكره
 
 
غالي سجل وسط قلبي عبور
وكل درب لاجل عينه اعبره
 
 
لانظرت بعينه تشوف السرور
مبسم يعطيك من الطهر ثمره
 
 
صحبته نور تمثل الف نور
ولاتوقع يوم قلبي يخسره
 
 
ودارت الايام والدنيا تدور
وجا يوم ماتوقعت احضره
 
 
قالو المسلم على الفرقا صبور
والقدر لاحان لازم تصبره
 
 
صاحبك اصبح من اصحاب القبور
قبل خمس ايام جانا خبره
© 2024 - موقع الشعر