يازين مالي فيك حيله ولالك
في خافقي غير الغلا والموده
انا لو ان لي بالمحبه بدالك
ما اخلصت لك يوم الليالي بشده
لكن قلي ليه تقطع وصالك
عساك ما انت ناويٍ بالمصده
امد حبلي وانت تقصر حبالك
وانا احسب انك بالمحبه تمده
حذراك يالمجمول ياتي فبالك
ذاك الكلام اللي مضت عنه مده
من عام صبري ياهوى الروح طالك
مثل البحر مابين جزره ومده
قلبي حواك من الغلا لين شالك
ومن وين ماودك توديه وده
العب بجاش الروح دامه حلالك
انثر حروفه في كتابك وعده
لانك مثل (حايل) هذا طول جالك
وانا شوارع مظلمه وسط (جده)
اغيب وارجع واتحرى قبالك
قلبي جيوشٍ للقى مستعده
والا انت لامن غبت وقتك صفالك
تسلى وراسك مهتني بالمخده
وانا دموعي ماذرفته سوالك
من غاب زولك واتوجد مرده
وجد الكسير اللي رمته المهالك
على هلا الرده .. ولاشاف رده
ولوكان لي بالقلب حبٍ بدالك
دونه شرايين الغلآ لك ترده

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين