يارجل لانك صرت راعي نجيبه

لـ مرضي البلوي، ، في الحكمه والنصح، 11، آخر تحديث

يارجل لانك صرت راعي نجيبه - مرضي البلوي

للضيف حق واجبٍ نعتني به
انصونه بذات الضماير صيانه

شباب واللي باديٍ فيه شيبه
كلاً عنه منا مخبر كيانه ..

وفينا الكرم عاده ولاهي غريبه
مير الغريبه رجل يجهل مكانه

يارجل لانك صرت راعي نجيبه
مالك ومال اللي سريعٍ حصانه ..

لانه نواله علم ساعه يجيبه
وضمانته تاخذ عليها ضمانه

حتى الطليب يزبنه عن طليبه
مفتكها من خبث عوجا زمانه ..

ياهل العقول الناصحه ويش ابي به
رجلاً علينا مطلق الله عنانه

وهو الذخيره كلها والضريبه
يعجز يوديها لها بي خانه ..

انصيبها مير ان ربي حسيبه
ونجيبها بطيب ولا لعانه

وقت القشر يوم الليالي الصعيبه
حنا الزمن خوفه وحنا بمانه

يبشر بنا اللي فوق راسه مصيبه
ويبشر بنا اللي شاف نفسه وزانه

حنا عثامين الرجال المهيبه
اهل الخطر والمرجله والحصانه

واهل العلوم اللي من اول ذهيبه
واليوم كثر خير ربي ، سمانه

قيل الكرم وينه ولا تدعيبه ؟
قلت الكرم براس ماهو بذانه

ابشر بنا يا معسرٍ فيك ريبه
وابشر بنا ياقاضي أنسه وجانه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر