يا صاحبي خلك معي دايم الدوم
ماشي على مبدآ الوفا بالعلاقه
الخوه اللي حدها " ساعه ويوم
ما شوفها بعيوني إلا ( طفاقه )
ماخطيت في حقك ولك قدر محشوم
لو كان ما تحفظ .. حقوق الصداقه
أنا بلوي لاشفت ماشفت بشوم !
واصد عنك ( بكل ذوق ولباقه )
مآني بلا ظالم .. ولاني بمظلوم
ولا ودي أمشي في دروب الحماقه
خصوصاً أن زاد العتب حيل واللوم
والحمل زاد ومالنا فيه .. طاقه
وعن الخطآ ماني منزه ومعصوم
ولا أخطيت أقدم لك من العذر باقه
.. ولاشك تحكمني تقاليد وسلوم
وأنا قضاعي بالنسب والبطاقه !
والحر .. مهما كان مايشبه البوم
( وكلٍ يدرج في مماشيه ساقه )
والكذب مهما طال معروف ما يدوم
وماني من أهل الكذب واهل السواقه
ولا انت داري فيك لو طحت ما تقوم
( تبرك مباريك الجمل وأنت ناقه )
حتى البحر تغرق بوسطه لو تعوم
ولا تمتلك لو عمت وسطه لياقه ..
كل شي لي باين وواضح ومفهوم
و يا جاهل بصدام ! / تجهل عراقه
لا يآخذ الواحد ولا يعطي علوم
ومشكور لا جوّد لسانه وثاقه ..
ويا كم فيه شناب بالواقع رخوم
ماهي على وجه الشرف والطلاقه
لو النعم في بعض الأشناب ملزوم
في بعضها ملزوم : موس الحلاقه
أعطتني الدنيا من دروسها كوم
لين الفكر ما صار خارج نطاقه ..
ولا زلت ذاك اللي يعرفونه القوم ..
أكثر يزيد الطيب فيه ( احتراقه )
والطيب فعلاً بين الأجواد مقسوم
وأنا اشفق الفعل له حقيقه شفاقه !
لو صاحبي ينفث لي بهرجه سموم
و الله ولا أقبح منه إلا نفاقه
وان صار في جوي من الصاحب غيوم
ترا أسعد اللحظات عندي ( فراقه )
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.