العيد

العيد من دونك ترى ماهو بعيد
العيد والله يوم عيني تشوفك

في ذمتي لولا الحيا والمناقيد
جيتك اضمك شوق والمس كفوفك

في غيبتك ماعندي الا التناهيد
واراجع الذكرى واعانق طيوفك

تاخذني الذكرى من الضيق لبعيد
وردد إشعاري وإغني وصوفك

ماعاد يسوى شي ياسيّد الغيد
من يوم ماقفيت تعلن كسوفك

هذا شهر غايب وارددك ترديد
بين الغلا والشوق صعبه اعوفك

تعال عايدني ومن دون تعقيد
خل المشاعر تكسر اليوم خوفك

خذني مابين إيديك يافارع الجيد
بعيش لذات الهوى في كفوفك

تدري متى بيصير عند (فيصل) العيد
لحظة تعايدني وعيني تشوفك