مايصح الا الصحيح

صاحبي جيتك ولآ عندي عذر
جيت لك منساق في قلب ٍ جريح

جيت لك وادري إلي عندك قدر
ماظن عرش الغلا سهله يطيح

أعترف لك بالخطا مني صدر
والحقيقه مايصح الا الصحيح

لاتعاتب شخص ماعنده صبر
في غيابك شاف الوقت القبيح

ولاتعاتب دمع من عيوني حدر
من غيابك غصب إدموعي تسيح

غلطتي وقتي وظروف ٍ قشر
والزمن ياصاحبي طبعه صريح

جيت لك مشتاق ولآ عندك خبر
في خصامك صاحبك مايستريح

غالي ٍ عندي ولآ مثلك بشر
مايوفيك القصيد او المديح