أمي

لـ أميرة الجابري، ، في غير مُحدد

أمي - أميرة الجابري

تعالي يا مداهيل الحروف وسولفي يمي
أبكتب لي قصيدة شهر مارس مايقيدها..

ولأنه ماتعدى صلب موضوعي طرف كمي
تعالي جاريه تركع (ولا) قدام سيدها..

يا صوت الطهر يا الصدر الوسيع لضيقي وغمي
ثلاث اسنين أدور لك قصيدة وآتصيدها..

تعبت آقف على باب الحكي.. ما قال لي سمي
يا أعظم من قصايدهم فرايدها وجيدها..

يا يمه يا بعد روح الشعور وما نطق فمي
وجودك يعمر إعروق المعاليق ويشيدها..

عرفته قلبك وعشته ملاذ ومرتع لهمي
وطن يستوطن ضلوعي يرتبها.. ايهيدها..

قصيدة ما وفت حقك ولا بتوفيك يا أمي
عساها تربك الدنيا وجمهوري يأيدها..

أنا ما بنتظر (مارس) عشان أكتب لها بدمي
أنا كل يوم إهنيني بها وكل يومٍ أعيِّدها..

© 2024 - موقع الشعر