ديرةٍ ما بها ناس

ودي أسج بديرةٍ ما بها ناس
وأعيش لو لحظة بلاهم وأحزان

ما تنزل دموعي ولا أحس بإحساس
ولا ينشغل بالي على أي إنسان

ترتاح روحي كلما هب نسناس
ويميل قلبي كل ما مالت أغصان

أشوف سطح الما مثل لمعة الماس
وأسمع صدى صوتي ترانيم والحان

ما شي يقيدني ولا فيه حراس
ما فيه صد ومابه أحساس هجران

ما فيه فقر ولا غنى وما بها أفلاس
ما فيه كذب وزيف ما فيه نكران

يا ليتني ألبس من الوحده لباس
وأعيش هاللحظات فترات وأزمان

أمشي شموخ بخطوتي وأرفع الراس
سقفي سما وأرضي من البوح بستان

تبي الصراحة: داخل القلب هوجاس
مقدر أعيش بدون همي والأحزان

جنة بدون الناس وشلون تنداس
وديرة بدون إنسان ما تقبل إنسان