حكي الفضاح

كل ماهل واقبل ..حان وقت المراح
تو..مامداه..تو اقبل..وقال السلام!!

والله اني مكافح في وصاله كفاح
وان بعاده ما اطيقه..وان وصاله مرام

اشتكي له وهو يحسب كلامي مزاح
كيف اوضّح له الحاصل بليّا كلام

والله انه علي يخطي ويطلب سماح
ولا يهاب الخطايا ..والخطايا حرام

التباشير في قربه شذا العطر فاح
هي حقيقه على الواقع وكنها حلام

اسهره كنّه النجمه ونور الصباح
وانتظاره طويل وكنّه الفين عام

روحنّ امنياته رايح اقوا الرياح
كل ابوها علي مرت مرور الكرام

لاتعذر بعذر ٍ ما يداوي الجراح
عارف ٍ ما يعرّف ..والنذل ما يلام

انت كامل بوصفك وانت سيد الملاح
وانت بدر الصحاري بالوفا والتمام

انت لوني بوصّف قلت حكي الفضاح
فيك زين خرافي ما حصل في الانام

للجمال الطبيعي قلدوك الوشاح
في العذارى مكانك فوق ذروة سنام

ويش باقول عنّك ياظبي البراح
في نظر عين من يغليك عالي مقام