السالفه جملة حكي في لبها شي ومرام
 يتم عن طريقها تعريف وجه المستدير
 والمهزله تعني نهايه للمسار ولنظام
 عكس أتجاه الأنظمه من دون تحديد المصير
 والمرجله ماهي تحدث وانفعالات الكلام
 المرجله منها نعرف ان الصعود أمره عسير
 لولا المراجل والبطوله والشجاعه والزحام
 ماكان بين بالردى سلالة ً منها كثير
 اللي عليه السالفه واللي عليه الأهتمام
 المجتمع في غالبه يحبث عن الأمر المثير
 هذا سحب ماله عشان الشات واصوات الغرام
 وأمه تنام من التعب متمدده فوق الحصير
 وهذا يقدره له بعير انه طويل وله سنام
 يجوع عياله عشان الأكل يعطيه البعير
 وهذا في مليون سام وجا هذاك زود سام
 ماكن في هالعالم أجمع لاضعيف ولافقير
 وهذا يطيب بصاحبه ماهو عشان الأحترام
 ولاهو عشان الله ولاكن شي في جوف الضمير
 وهذا كفوفه غانمه مثل السحايب والغمام
 ومن خلف بيته ارمله تبكي على جوع الصغير
 وهذا بكى لجل الفريق اللي خسر والانهزام
 ليته بكى لجل الله أكبر يحفظه من زمهرير
 وهذا حكيم وملتحي ويجنب دروب الحرام
 من بعد فتره ينحكم فوراً ألى السيف الشطير
 وهذا يسب عيال خلق الله وهو ماله مقام
 وعياله اللي نزلوا راسه وخلوه الاسير
 وهذا يتباهي بمنصبه وبمنسبه ومن الحشام
 وشخصيته عند مرته اخف من حب الشعير
 وهذا وهذا مايفيد وطارت اسراب الحمام
 ماترتزق من زارع الفوضى لجل هذا تطير

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر