حكي العيون - حمد آل عذبه المري

بين حكي العيون وبين صمت الشفاه
قصةٍ مبهمه تفسيرها وش يكون

وبين طول انتظارٍ ماعرف وش وراه
وبين خدٍ حرقها دمع ذيك العيون

قصة انسان يشكي بعد منهو بغاه
من فراقه يبيع الهم وقلبه زبون

لاذكر ماضيٍ قد فات يومه معاه
سالت دموع عينه والبلا في السكون

ذكره كل دربٍ في طريقه مشاه
لامشى في طريقه جر في اللحون

ذكرياتٍ لها معنى وطعم وحلاه
ذكرياتٍ بها حبٍ وقلبٍ حنون

للأسف ضاع حلمٍ في خياله بناه
والسبب وقت دايم مخلفٍ للضنون

واقفٍ في طريقه ماسكٍ له عصاه
حال بينه وبينه هد كل الركون

قاطعٍ للوصال وحارمه من لقاه
والعنا والحزن تبني بقلبه حصون

صار حلمه سرابٍ يطرده لارآه
وكل مامر طيفه زاد فيه الجنون

راضي بحكم ربه والله الي عطاه
صابرٍ والصبر ثقل عليه المتون

© 2022 - موقع الشعر