يابـو هلاليـن

يابو هلالين كم من تحتها دمعه
طاحت على المرمر المصقول ما ساحت

طيفك وذكراك تضوي فالدجا شمعه
وارجيك رجوا بروق المزن لا لاحت

يكفيك ياسهيل زين الشكل واللمعه
وانك اهموم النجوم ولا بعد زاحت

لك بنة امخلطات الطيب مجتمعه
مع بنة الهيل فالدله الى فاحت

يازين كم (سبت ) من دونك وكم ( جمعه )
قامت تقافا مثل ماجاتنا راحت

صحيح بين الرجا والياس والطمعه
لولا رجا الله كان اسدودنا باحت

ولولا عليك وعلينا طيّب السمعه
كان الفرص بيننااا لا جات ما طاحت

غديت لي لغز والرمعه هي الرمعه
اسألك بالله ..اذنك صدق ماصاحت؟