مانصيد من المحال الا المحال - مهند العشيش الخالدي

يالشمالي .. قلتها لي في طفاقه
قلت: نصف الارض في عيني .. شمال !!

لاتناديني كذا ... فيها حماقه !
الأدب مايستوي والإنحلال !

آآآآآه لوتدري عن اسباب العلاقه
في شعوري صمت عن 100 سؤال !

من مواليده .. من اهله .. بالبطاقه
ومن ترابه عاشق(ن) برق الخيِال

ياشمال الكون تكفيك اللباقه
طيبتك من طيبة عيال الحلال

من قديم الوقت نارد للعراقه
ولانصيد من المحال .. الا المحال

بيننا والمرجله عشق وصداقه
وبيننا واللاش .. إشكال وجدال !

أعشقه عشق الهواوي للرشاقه!
واعشقه عشق الابو لاغلى العيال !

قال: في وصفك تبالغ في طلاقه!!
قلت: كل الأرض في عيني .. شمال!!

© 2024 - موقع الشعر